ഭൂപടം നിർമിക്കുന്നത് എങ്ങനെ ആണ്?
ഗൂഗിൾ മാപ്‌സും ന്യൂതന സാങ്കേതിക വിദ്യയും ഒക്കെ ഉപയോഗിക്കുന്നതിനു മുൻപ് യാത്ര ചെയ്യുന്നതിനും, മറ്റു കാര്യങ്ങൾ പരിശോധിക്കുന്നതിനും മനുഷ്യർ ഉപയോഗിച്ചിരുന്ന ഒന്നാണ് ഭൂപടം. ഭൂതലത്തെ മുഴുവനായോ ഭാഗങ്ങളായോ നന്നെ ചെറിയ പ്രതലങ്ങളിലേക്കു പകർത്തുന്ന സമ്പ്രദായമാണ് ഭൂപടം. പതിനായിരക്കണക്കിനു മടങ്ങു വലുപ്പമുളള ഭൂതലത്തിലെ വിശദാംശങ്ങൾ കടലാസു പോലെയുള്ള പ്രതലങ്ങളിൽ കൃത്യമായി രേഖപ്പെടുത്തുന്നതിന് പ്രത്യേകമായ തോത് നിർണയിക്കേണ്ടി വരുന്നു.
ഭൂമിയിലെ ഓരോ ദൂരവും നന്നെ ചെറിയ ഒരു അളവിൽ ഭൂപടത്തിലേക്കു പകർത്തുന്നു. ഈ തോത് അഥവാ മാനത്തിന് സ്കെയിൽ അല്ലെങ്കിൽ മാപകം എന്നു പറയും. ഇതുപോലെ ഓരോ വിശദാംശവും രേഖപ്പെടുത്തുന്നതിന് സാർവത്രികമായി അംഗീകരിക്കപ്പെട്ട ചിഹ്നങ്ങൾ ഉപയോഗപ്പെടുത്തുന്നു. വൻകരകളെപ്പോലെ വലുപ്പമേറിയ ഭാഗങ്ങൾക്കുളള ഭൂപടം നിർമിക്കുമ്പോൾ ഭൂമിയുടെ ഗോളാകൃതി പ്രശ്നമായിവരും. ഭൂതലത്തിന്റെ വക്രത മൂലം ഉണ്ടാ കുന്ന വൈകൃതം ഒഴിവാക്കുന്നതിന് ഗണിതവിധി പ്രകാരം തയ്യാർ ചെയ്യുന്ന ജാലികകളിലാണ് ഈയിനം ഭൂപടങ്ങൾ വരയ്ക്കുന്നത്. ഇമ്മാതിരി ജാലികകളെ ഭൂപ്രക്ഷേപം എന്നുപറയുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ