അപസ്മാരം എന്ന രോഗാവസ്ഥ എങ്ങനെയാണ് മനുഷ്യനിൽ ഉണ്ടാകുന്നത്?
അപസ്മാരം ഒരു രോഗം മാത്രമാണ്. പക്ഷെ കാലങ്ങളായി നമ്മുടെ നാട്ടിൽ ഈ രോഗത്തെ ഭയത്തോടെയും വെറുപ്പോടെയും ആണ് നാട്ടുകാർ വീക്ഷിക്കുന്നത്. ഭൂതപ്രേതബാധയായും മറ്റും കരുതി മന്ത്രവാദവും മറ്റും ചെയ്ത് രോഗം മാറ്റാൻ ശ്രമിക്കുന്നവരുണ്ട്. ഈ രോഗമുള്ള കാര്യം ഒളിച്ചുവക്കുകയും ചികിത്സിക്കാതിരിക്കുകയും ചെയ്യുന്നത് രോഗം കൂടാനും രോഗിക്ക് സാധാരണ ജീവിതം നയിക്കാൻ പറ്റാത്ത അവസ്ഥയുണ്ടാക്കാനും കാരണമാവും. ശരിയായ രോഗകാരണമറിഞ്ഞ് വിദഗ്ദ്ധനായ ഒരു ഡോക്ടറുടെ മേൽനോട്ടത്തിൽ ചികിത്സിക്കേണ്ട രോഗമാണ് അപസ്മാരം.
മസ്തിഷ്ക്കത്തിനുണ്ടാകുന്ന ഒരു തരം കൊടുങ്കാറ്റ് എന്ന് അപസ്മാരത്തെ വിശേഷിപ്പിക്കാറുണ്ട്. മസ്തിഷ്കത്തിലെ ചില ഭാഗങ്ങളിലെ കോശങ്ങൾ അസാധാരണമായി സജീവമാകുന്നു. വൈദ്യുതതരംഗങ്ങൾ ഉല്പാദിപ്പിക്കുന്നു എന്ന് ലളിതമായി പറയാം. ഈ കോശങ്ങളുടെ ഉത്തേജനം പെട്ടെന്ന് മറ്റ് ഭാഗത്തേക്കും വ്യാപിക്കും. ഇത് മസ്തിഷ്ക്കത്തിലെ ബോധത്തെയും ചലനങ്ങളെയും നിയ ന്ത്രിക്കുന്ന കോശങ്ങളെ ബാധിക്കും. അതാണ് ബോധം നഷ്ടപ്പെടുത്തുന്നതും രോഗി അസാധാരണ ചേഷ്ടകൾ കാണിക്കുന്നതും.
ആരംഭത്തിൽ തന്നെ രോഗകാരണം കണ്ടറിഞ്ഞ് ശാസ്ത്രീയമായി ചികിത്സിക്കേണ്ടതുണ്ട്. വ്യക്തമായ മസ്തിഷ്ക്കമാറ്റം ദൃശ്യമല്ലാത്ത കാരണങ്ങൾ മൂലമാണ് (idiopathic) കൂടുതൽ പേരിലും പ്രത്യേകിച്ച് പ്രായം കുറഞ്ഞവരിൽ അപസ്മാരം കാണപ്പെടുന്നത്. ആർജിത അപസ്മാരത്തിനു കാരണം ശാരീരികമാണ്. തലച്ചോറിൽ ട്യൂമർ, ജനനസമയത്ത് തലച്ചോറിനുണ്ടാകുന്ന പരിക്കുകൾ, തലച്ചോറിനുണ്ടാകുന്ന ക്ഷതങ്ങൾ, ആഘാതം, പഴുപ്പ്, രക്തവാർച്ച മുതലായവ അപസ്മാരത്തിന് ഹേതുവായിത്തീരും. ഇവ തലച്ചോറിനെ അലോസരപ്പെടുത്തും. അസാധാരണ വൈദ്യുതിസ്ഫുലിംഗങ്ങൾ പുറത്തു വിടും. ഇത് അപസ്മാരമുണ്ടാക്കുന്നു.
പ്രത്യേകകാരണം കൂടാതെ ഉണ്ടാകുന്ന അപസ്മാരരോഗബാധ മരുന്നു കൊണ്ടു മാത്രം നിയന്ത്രിക്കാൻ കഴിയും. അപസ്മാരത്തിനുപയോഗിക്കുന്ന മരുന്നുകൾ മയക്കം ആവർത്തിച്ചുണ്ടാകുന്നതിനെ തടയുക മാത്രമാണ് ചെയ്യുന്നത്. രോഗശമനത്തിന് പറ്റിയ മരുന്നും യുക്തമായ അളവും കണ്ടുപിടിക്കു ന്നതിന് കുറേ കാലം വേണ്ടി വന്നേക്കാം. അതുപോലെ മരുന്ന് അനേകവർഷം തുടർച്ചയായി ഉപയോഗിക്കേണ്ടതായും വരും.
ആർജിത വിഭാഗത്തിൽപെട്ട അപസ്മാരത്തിനു കാരണമായ ട്യൂമർ നീക്കം ചെയ്യുകയും മറ്റു കേടുപാടുകൾ ശസ്ത്രക്രിയവഴി മാറ്റുകയും ചെയ്താൽ അപസ്മാരം നിയന്ത്രിക്കാൻ കഴിയും. ഇത്തരം രോഗികളും അപസ്മാരം തുടർന്ന് ഉണ്ടാകാതിരിക്കാൻ മരുന്ന് കഴിക്കേണ്ടിവരും.
ആർജിത വിഭാഗത്തിൽപെട്ട അപസ്മാരത്തിനു കാരണമായ ട്യൂമർ നീക്കം ചെയ്യുകയും മറ്റു കേടുപാടുകൾ ശസ്ത്രക്രിയവഴി മാറ്റുകയും ചെയ്താൽ അപസ്മാരം നിയന്ത്രിക്കാൻ കഴിയും. ഇത്തരം രോഗികളും അപസ്മാരം തുടർന്ന് ഉണ്ടാകാതിരിക്കാൻ മരുന്ന് കഴിക്കേണ്ടിവരും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ