മനുഷ്യർ മയക്കുമരുന്നുകൾക്ക് അടിമ ആകുന്നത് എങ്ങനെ?

മനുഷ്യർ മയക്കുമരുന്നുകൾക്ക് അടിമ ആകുന്നത് എങ്ങനെ?

മയക്കുമരുന്നുകൾ എന്ന് അറിയപ്പെടുന്നവയിൽ ബ്രൗൺഷുഗർ എന്ന നാർക്കോട്ടിക് വസ്തു മുതൽ ഡയാസെപാം എന്ന ട്രാൻക്വിലൈസർ മരുന്നു വരെ ഉൾപ്പെടുന്നു.

       

ജീവിതവൃത്തിയേക്കാൾ മരുന്നു തേടലിന് പ്രാമുഖ്യം നല്കുക, അസ്വാഭാവികമായി മരുന്നുപയോഗിക്കുക, തൊഴിലിലും സാമൂഹ്യബന്ധങ്ങളിലും ധാർമ്മിക മൂല്യങ്ങളിലും ചതിയുണ്ടാവുക എന്നീ ലക്ഷണങ്ങൾ മയക്കു മരുന്നുപയോഗിക്കുന്ന വ്യക്തിക്ക് ഉണ്ടെങ്കിൽ അത് മയക്കുമരുന്നിന്റെ ദുരുപയോഗമാണ്. ഇത്തരത്തിൽ ദുരുപയോഗം ചെയ്യുന്ന വ്യക്തിക്ക് ടോളറൻസ്, വിത്ഡ്രോവൽ ഇഫക്റ്റ് എന്നിവയിലേതെങ്കിലുമുണ്ടെങ്കിൽ ആ വ്യക്തിയെ മയക്കുമരുന്നിന് അടിമയെന്ന് വിളിക്കാം. തുടർച്ചയായി മയക്കുമരുന്നുപയോ ഗിക്കേണ്ടിവരുമ്പോൾ ഒരേ ലഹരിയിലെത്തുവാൻ ക്രമേണ കൂടുതൽക്കൂടുതൽ മരുന്നുപയോഗിക്കേണ്ടി വരുന്ന അവസ്ഥയാണ് ടോളറൻസ്. മരുന്ന് നിർത്തുമ്പോഴുണ്ടാകുന്ന ശാരീരിക ലക്ഷണങ്ങളാണ് വിത്ഡ്രോവൽ ഇഫക്റ്റ്.

മയക്കു മരുന്നിനടിമകളാകുന്നവർ മിക്കവാറും അതിനു മുൻപുതന്നെ പുകയില, മദ്യപാനം എന്നിവ ശീലമാക്കിയവരായിരിക്കും. പലരുടേയും ആദ്യാനുഭവമൊരുക്കുന്നതിൽ അടുത്തിടപഴകുന്നവരുടെ സമ്മർദ്ദവും മയക്കുമരുന്നിന്റെ ലഭ്യതയും, പിരിമുറുക്കമുള്ള മാനസികാവസ്ഥയും പ്രധാനമാണ്. ഏതാനും പ്രാവശ്യത്തേയോ ചിലപ്പോൾ ഒരൊറ്റത്തവണത്തേയോ തന്നെ അനുഭവം മതി പലരും അടിമയാകാൻ.
ഇത് വ്യക്തിയുടെ കാര്യം. ഒരു സമൂഹത്തെ മൊത്തമായി കണക്കിലെടുത്താൽ ചില പ്രത്യേക സാമൂഹ്യ രാഷ്ട്രീയ സ്വാധീനതകൾ വ്യക്തമാണ്. ഉദാഹരണത്തിന് അമേരിക്കൻ ഐക്യനാടുകളിൽ മയക്കുമരുന്നുകളുടെ പ്രശ്നം ആദ്യമായി ബാധിച്ചത് വെളുത്തവർഗ്ഗക്കാരിലെ സമ്പന്ന കുടുംബങ്ങളെയാണ്. പിന്നീടത് ദരിദ്രരായ കറുത്ത വർഗ്ഗക്കാരെ ബാധിച്ചു. ഇപ്പോഴത് പ്രധാനമായും രണ്ടാമത്തെ കൂട്ടരിലാണ്.