ഗംഗയുണര്ന്നാല് നേരം പുലരുമോ?
ഗംഗയെന്ന് ഇവിടെ അര്ത്ഥമാക്കുന്നത് വെള്ളത്തിനെയാണ്. ഒരു ദിവസം ആദ്യമുണരുന്നത് ജലമാണെന്നതാണ് സങ്കല്പം. പ്രാതകാലത്ത് ആദ്യമുണരുന്നത് ജലമാണെന്ന് അത്മീയശാസ്ത്രം പറയുന്നു. അര്ദ്ധരാത്രി പന്ത്രണ്ട് മണി കഴിഞ്ഞാല് ജലം ഉണരാന് തുടങ്ങും. ഇതിനുശേഷം മാത്രമേ പക്ഷിലതാദികള് പോലും ഉണരാറുള്ളു. വെള്ളം ഉണരുന്നതിന് മുമ്പ് ആവശ്യമില്ലാതെ ഉണര്ത്തരുതെന്നും പറയുന്നുണ്ട്
ഗ്രഹണസമയം ഞാഞ്ഞൂല് തലപൊക്കുമോ?
ഗ്രഹണസമയത്ത് ഞാഞ്ഞൂലും തല പൊക്കുമെന്നൊരു സങ്കല്പമുണ്ട്. ഇത് മനുഷ്യന്റെ വര്ത്തമാനകാല ജീവിതവുമായി സാമ്യമുള്ളതാണ്. അതായത് പ്രബലനായ ഒരു വ്യക്തിക്ക് പ്രയാസം നേരിടുമ്പോള് താന് വലിയ ആളാണെന്ന് തലയെടുപ്പ് കാണിക്കുന്ന എളിയവനെ ഉദ്ദേശിച്ചാണ് ഈ പ്രയോഗം.
ചന്ദ്രനെ രാഹു എന്ന സര്പ്പം വിഴുങ്ങുന്നതുകൊണ്ടാണ് ചന്ദ്രഗ്രഹണം സംഭവിക്കുന്നത് എന്നായിരുന്നു സങ്കല്പം. തത്സമയം കാണുന്ന ഞാഞ്ഞൂല് ആകൃതിയിലുള്ള സാമ്യം നോക്കിയിട്ട് താനും രാഹുകുടുംബത്തില്പ്പെട്ടതാണെന്ന് വെറുതെ അഹങ്കരിക്കുന്ന പ്രകടനരീതിയാണ് ഇവിടെ അര്ത്ഥമാക്കുന്നത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ