ഹാക്ക് ചെയ്യപ്പെട്ട ഫെയ്സ്ബുക് അക്കൗണ്ട് എങ്ങനെ വീണ്ടെടുക്കാം?

ഹാക്ക് ചെയ്യപ്പെട്ട ഫെയ്സ്ബുക് അക്കൗണ്ട് എങ്ങനെ വീണ്ടെടുക്കാം?

ഫെയ്‌സ്ബുക്ക് അക്കൗണ്ട് ഹാക്ക് ചെയ്യപ്പെട്ടാൽ എന്ത് ചെയ്യണം എന്ന് പലർക്കും അറിയണമെന്നില്ല. ഹാക്കർമാർ നമ്മുടെ അക്കൗണ്ട് ദുരുപയോഗിക്കാൻ സാധ്യതയുള്ളതിനാൽ സമയബന്ധിതമായി പ്രവർത്തിക്കണമെന്നാണ് പോലീസ് നൽകുന്ന മുന്നറിയിപ്പ്.

ഹാക്ക് ചെയ്യപ്പെട്ട അക്കൗണ്ട് തിരികെ ലഭിക്കാന്‍ ആദ്യം  http://www.facebook.com/hacked എന്ന ലിങ്കില്‍ലോഗിൻ ചെയ്യുക.

'മൈ അക്കൗണ്ട് കോംപ്രൊമൈസെഡ്‌' എന്ന ഓപ്ഷനിൽ ക്ലിക്ക് ചെയ്യുക. തുടർന്ന്, അതിനു ശേഷം നിങ്ങളുടെ ഇമെയില്‍ / ഫോണ്‍ നമ്പര്‍ ടൈപ്പ് ചെയ്യുക. അപ്പോള്‍ ഈ വിവരങ്ങളുമായി യോജിക്കുന്ന യൂസര്‍മാരെ ഫെയ്സ്ബുക്ക് കണ്ടെത്താനുള്ള പ്രക്രിയ ആരംഭിക്കും.

അക്കൗണ്ട് കണ്ടെത്തി കഴിഞ്ഞാൽ മുൻപോട്ടുള്ള പക്രിയകൾക്കായി പാസ്സ്‌വേഡും ചോദിക്കും. പാസ്സ്‌വേർഡ്‌ മാറ്റിയിട്ടുണ്ടെങ്കിൽ 'സെക്യൂർ മൈ അക്കൗണ്ട്' എന്ന ബട്ടൺ ക്ലിക്ജ് ചെയ്യുക . റീസെറ്റ്‌ എന്ന ഓപ്ഷൻ കൊടുക്കാതെ 'നോ ലോംഗർ ഹാവ് ആക്‌സിസ് തിസ് ' എന്ന ഓപ്ഷൻ ക്ലിക്ക് ചെയ്യുക.

പാസ്സ്‌വേർഡ് മാറ്റുവാനുള്ള ലിങ്ക് നിങ്ങളുടെ ഈ-മെയിലിൽ അയച്ചുതരും, അതിൽ കയറി പുതിയ പാസ്സ്‌വേർഡ്‌ നൽകുക. തുടർന്നുള്ള ഏതാനും ഘട്ടങ്ങളിലുള്ള ചോദ്യാത്തരങ്ങൾക്ക് ശേഷം 24 മണിക്കൂറിനുള്ളിൽ ഫേസ്ബുക് അക്കൗണ്ട് തിരികെ കിട്ടും.

ഫെയ്‌സ്ബുക്കിലെ ടൈംലൈനിൽ നിന്ന് പഴയ ചിത്രങ്ങൾ മായ്ക്കുന്നതെങ്ങനെ?

ഫെയ്‌സ്ബുക്കിലെ ടൈംലൈനിൽ നിന്ന് പഴയ ചിത്രങ്ങൾ മായ്ക്കുന്നതെങ്ങനെ?

സുഹൃദ് ബന്ധങ്ങൾ വളരുന്നയിടമാണ് സമൂഹമാധ്യമങ്ങൾ. കുടുംബക്കാരും സുഹൃത്തുക്കളുമായി പങ്കിട്ട ഓര്‍മ്മകളും ഫോട്ടോകളും കണ്ടെത്തുന്നതിനുളള ഒരു ലൊക്കേഷന്‍ കൂടിയാണ് ഇത്. ഫേസ്ബുക്കിലെ വാള്‍ പേജില്‍ വീണ്ടും അവ സൃഷ്ടിക്കുന്നതിലൂടെ അതൊരു ഓര്‍മ്മപ്പെടുത്തല്‍ കൂടിയാണ്. എന്നാല്‍ ചിലപ്പോഴൊക്കെ ആ പഴയ പോസ്റ്റുകള്‍ മറ്റുളളവരില്‍ നിന്നും മറയ്ക്കാന്‍ ആഗ്രഹിക്കുന്നുണ്ടെങ്കിൽ ഫേസ്ബുക്ക് ടൈംലൈനിലെ പഴയ ഫോട്ടോകള്‍ ഡിലീറ്റ് ചെയ്യാനുള്ള വഴിയും ഫെയ്‌സ്ബുക്ക് ഒരുക്കിക്കഴിഞ്ഞു.

എന്നാല്‍ അവ ഡിലീറ്റ് ചെയ്യുന്നതിനു മുന്‍പ്, നിങ്ങളുടെ ഫ്രണ്ട്‌സ് ലിസ്റ്റില്‍ ഇല്ലാത്ത ഫേസ്ബുക്ക് ഉപയോക്താക്കള്‍ക്ക് എങ്ങനെ ഈ ടൈംലൈന്‍ കാണപ്പെടും എന്ന് പരിശോധിക്കേണ്ടതാണ്. അവ പരിശോധിക്കുന്നതിനായി ടൈംലൈനിലേക്ക് പോകുക, അവിയെ ആക്ടിവിറ്റി ലോഗ് ബട്ടണിന്റെ വലതു വശത്തുളള മൂന്നു ഡോട്ടുകളില്‍ ക്ലിക്ക് ചെയ്ത് 'View as' ഓപ്ഷന്‍ തിരഞ്ഞെടുക്കുക.

ഒരു പക്ഷേ നിങ്ങള്‍ക്ക് ഒന്നും തന്നെ ഇഷ്ടപ്പെടുന്നില്ലെങ്കില്‍ ഗ്ലോബ് ഐക്കണില്‍ ക്ലിക്ക് ചെയ്യുക. അവിടെ കാണുന്ന 'Public' എന്ന ഓപ്ഷന്‍ 'Friends', 'Only Me' Or 'Custom' എന്ന് മാറ്റുക. കൂടാതെ 'X' എന്ന ബട്ടണില്‍ ക്ലിക്ക് ചെയ്തും നിങ്ങള്‍ക്ക് പോസ്റ്റുകള്‍ ഡിലീറ്റ് ചെയ്യാവുന്നതാണ്. നിങ്ങളുടെ ഫേസ്ബുക്ക് ടൈംലൈനില്‍ നിന്നും പഴയ ഫോട്ടോകള്‍ ഡിലീറ്റ് ചെയ്യുന്നതിനായി കുറച്ചു മാര്‍ഗ്ഗങ്ങള്‍ ഇവിടെ കൊടുക്കുന്നു.

നിങ്ങള്‍ക്ക് മറയ്ക്കാന്‍ അനേകം പബ്ലിക് പോസ്റ്റുകള്‍ ഉണ്ടെങ്കില്‍ ഫേസ്ബുക്കിന്റെ 'Built-In Solution' ഉപയോഗിച്ച് മറയ്ക്കാം. അതിനായി ഫേസ്ബുക്കിന്റെ മുകളില്‍ വലതു വശത്തു കാണുന്ന സുരക്ഷ ലോക്ക് ഐക്കണില്‍ ക്ലിക്ക് ചെയ്യുക. തുടര്‍ന്ന് 'See more settings' എന്ന ഓപ്ഷന്‍ തിരഞ്ഞെടുക്കുക. അതിനു ശേഷം 'Limit Old Posts' ല്‍ ക്ലിക്ക് ചെയ്യുക. ഇനി നിങ്ങളുടെ പഴയ ഫേസ്ബുക്ക് പോസ്റ്റുകളുടെ ദൃശ്യാനുഭവം 'Just Friends' എന്നതിലേക്കു മാറ്റുക.

പോസ്റ്റുകള്‍ നിയന്ത്രിക്കുന്നതിനായി നിങ്ങളുടെ ടൈംലൈന്‍ ക്രമീകരണങ്ങളും നിയന്ത്രിക്കാം. ക്രമീകരണങ്ങള്‍ വീണ്ടും ക്രമീകരിക്കാനായി Lock Icon വീണ്ടും ക്ലിക്ക് ചെയ്യുക. അവിടെ ഇടതു പാനലില്‍ കാണുന്ന 'Timeline and Tagging' തിരഞ്ഞെടുക്കുക. അതിനു ശേഷം 1,4,5,7 എന്നീ ഓപ്ഷനുകള്‍ 'Friends' അല്ലെങ്കില്‍ നിങ്ങള്‍ക്ക് ഇഷ്ടപ്പെടുന്നതെന്തും സജ്ജമാക്കാം.

നിങ്ങള്‍ക്ക് ഒറ്റയടിക്ക് കുറേ പോസ്റ്റുകള്‍ ഡിലീറ്റ് ചെയ്യുന്നതിന് ഈ രീതി ഉപയോഗിക്കാം. അതിനായി നിങ്ങള്‍ക്ക് ഫേസ്ബുക്ക് പോസ്റ്റ് മാനേജര്‍ ക്രോം എക്‌സ്‌റ്റെന്‍ഷന്‍ ഉപയോഗിക്കാം. എന്നാല്‍ ഇത് ഗൂഗിള്‍ ക്രോം.7ല്‍ മാത്രമേ പ്രവര്‍ത്തിക്കുകയുളളൂ.

ഉപയോക്താക്കൾ മരിച്ചാൽ ഫെയ്‌സ്ബുക്ക് അക്കൗണ്ടിന് എന്ത് സംഭവിക്കും?

ഉപയോക്താക്കൾ മരിച്ചാൽ ഫെയ്‌സ്ബുക്ക് അക്കൗണ്ടിന് എന്ത് സംഭവിക്കും?

നമ്മൾ നിത്യവും ഉപയോഗിക്കുന്ന ഫെയ്‌സ്ബുക്ക് അക്കൗണ്ടിന് നമ്മള്‍ മരിച്ചാല്‍ എന്തു സംഭവിക്കുമെന്ന് എപ്പോഴെങ്കിലും ഓര്‍ത്തിട്ടുണ്ടോ? ഫേസ്ബുക്ക്, ട്വിറ്റര്‍, ഇന്‍സ്റ്റാഗ്രാം ഉള്‍പ്പെടെ പല സോഷ്യൽമീഡിയ പ്ലാറ്റുഫോമുകളിലും അംഗത്വമുളളവരാണ് നമ്മളിൽ ഒട്ടനേകം പേരും. ഫേസ്ബുക്കില്‍ മാത്രമായി കോടിക്കണക്കിന് അംഗങ്ങളുണ്ട്. ഇവരില്‍ ദിവസേന മരിക്കുന്നവരുടെ എണ്ണവും കൂടുതലാണ്. എന്നാല്‍ മരിച്ചവര്‍ക്കു മാത്രമേ പാസ്‌വേഡ് അറിയൂ, അതിനാല്‍ മറ്റാര്‍ക്കും അത് നശിപ്പിക്കാനുമാകില്ല. അതുകൊണ്ട് ഫേസ്ബുക്ക് ഉളളടിത്തോളം കാലം ആ പ്രൊഫൈല്‍ അവശേഷിക്കും. ഒരോ നിമിഷവും ഫേസ്ബുക്കില്‍ കാണുന്ന ഉറ്റവരുടെ ഫോട്ടോകള്‍ കണ്ട് സങ്കടമാകാനേ കഴിയൂ. 

ഈ പ്രശ്‌നത്തിന് പരിഹാരം കാണാനായി ലെഗസി കോണ്ടാക്റ്റ് എന്നൊരു പ്രത്യേക പദ്ധതിക്ക് ഫേസ്ബുക്ക് രൂപം നല്‍കിയിട്ടുണ്ട്. അതായത് ഫേസ്ബുക്കില്‍ പിന്തുടര്‍ച്ചാവകാശിയെ നിശ്ചയിക്കാന്‍ കഴിയും ഇതില്‍. ഇത് എങ്ങനെ ചെയ്യാം എന്ന് നമുക്ക് നോക്കാം.

ഫേസ്ബുക്ക് അംഗമായ ഏതെങ്കിലും ഒരാളെ നിങ്ങളുടെ ഫ്രൊഫൈലിലെ ലെഗസി കോണ്ടാക്ടായി നിശ്ചയിക്കാം. നിങ്ങള്‍ മരിച്ചാല്‍ ലെഗസി കോണ്ടാക്ടിന് പരേതന്റെ പ്രൊഫൈല്‍ ഫോട്ടോകള്‍ മാറ്റാനും പുതിയ മെസേജുകള്‍ ഇടാനും സാധിക്കും. ഫേസ്ബുക്ക് പ്രൊഫൈലില്‍ തന്നെ നിങ്ങള്‍ മരിച്ച കാര്യവും വലിയ അക്ഷരത്തില്‍ തെളിഞ്ഞു വരും.

അതുപോലെ ഇതിലൂടെ ഫ്രൊഫൈല്‍ നശിപ്പിക്കാം. പരേതന്റെ ഫേസ്ബുക്ക് പ്രൊഫൈലിലെ ഫോട്ടോകള്‍ എല്ലാം ഡൗണ്‍ലോഡ് ചെയ്തതിനു ശേഷം ഫ്രൊഫൈല്‍ നശിപ്പിക്കാം. എന്നാൽ ഒരിക്കലും നിങ്ങള്‍ അയച്ച പഴയ മെസേജുകള്‍ വായിക്കാനോ ഡൗണ്‍ലോഡ് ചെയ്യാനോ ലെഗസി കോണ്ടാക്ടിനു കഴിയില്ല.

ഇനി ട്വിറ്ററില്‍ എങ്ങനെ ഈ സംവിധാനം ചെയ്യാം എന്ന് നോക്കാം. മരിച്ചയാളുടെ ട്വിറ്റര്‍ ഹാന്‍ഡില്‍ നീക്കം ചെയ്യാന്‍ അയാളുടെ അടുത്ത ബന്ധു ട്വിറ്ററില്‍ അതിനായി അപേക്ഷ നല്‍കണം. കൂടതെ ബന്ധുവിന്റേയും വിലാസം തെളിയിക്കുന്ന രേഖ, ആള്‍ മരിച്ചു എന്ന് സാക്ഷ്യപ്പെടുത്തുന്ന മരണസര്‍ട്ടിഫിക്കറ്റ് എന്നിവ അപേക്ഷയോടൊപ്പം വെക്കുകയും ചെയ്യണം.

കല്യാണം കഴിഞ്ഞ കുട്ടികൾ നെറുകയിൽ സിന്ദൂരം ഇടണം

കല്യാണം കഴിഞ്ഞ കുട്ടികൾ നെറുകയിൽ സിന്ദൂരം ഇടണം, താലി ഊരി വെയ്ക്കാൻ പാടില്ല എന്നൊക്കെ പറയുന്നതിന് പിന്നിലുള്ള റീസെൻ എന്ത്...?

ഭാരതീയ സങ്കല്പത്തിൽ ഭാര്യാ ഭർത്താക്കന്മാരിലുള്ള ബന്ധം ശ്രേഷ്ടതയുള്ളതാണ്. എല്ലാ സമൂഹത്തിലും പരമപ്രധാനമാണെങ്കിലും ഇൻഡ്യ ഒരു സവിശേഷത അർഹിക്കുന്നുണ്ട്.പല വിശേഷപ്പെട്ട സംസ്ക്കാരങ്ങളും ഉടലെടുത്ത നാടാണിത്.കുടുംബം എന്നു പറയുന്നത് ഒരു കോവിൽ പോലെയാണ് അതിന്റെ നാഥ എന്നു പറയുന്നത് സ്ത്രീയാണ്. സ്ത്രീ ഉണ്ടെങ്കിൽ മാത്രമെ കുടുംബം നില നില്ക്കുകയുള്ളൂ. വിവാഹം കഴിഞ്ഞതു മുതൽ ഒരു സ്ത്രീ ആ വീടിന്റെ വിളക്കായി മാറുകയാണ്. അവളിലൂടെയാണ് ആ വീടുണരുന്നത്. പ്രകൃതിയുടെ ഒരു പര്യായമാണ് സ്ത്രീ എന്നു പറയാം. വിവാഹ ദിവസം തന്റെ പുരുഷൻ സ്ത്രീയുടെ സീമന്ത രേഖയിൽ ചാർത്തി കൊടുക്കുന്നതാണ് സിന്ദൂരം. കുങ്കുമ വർണ്ണം ധീരതയുടെയും സമർപ്പണത്തിന്റെയും നിറമാണ്. അവളിലുള്ള വിശ്വാസമാണ് കുടുംബത്തിന്റെ ഐക്യം. വെറുമൊരു മാലയല്ല താലി,,..അതിൽ കാണുന്ന ലോക്കറ്റിനാണ് മൂല്യം. അതാണ് താലി അത് മഞ്ഞ ചരടിൽ കോർത്തിട്ടാലും മതി. ആഢംബരം തലക്ക് പിടിച്ചവരാണ് അഞ്ചും പത്തും പവൻ താലിയായി കെട്ടുന്നത്. ഹിന്ദു ധർമ്മം അനുസരിച്ച് അഗ്നിസാക്ഷിയായാണ് വിവാഹം കഴിക്കുന്നത്. ചിതയിൽ എടുക്കുന്നതു വരെ രണ്ടാളും കൂടെ ഉണ്ടാവുമെന്ന വിശ്വാസമാന്നത്. തന്റെ പുരുഷൻ കൂടെ എപ്പോഴും കൂടെ ഉണ്ട് എന്ന പെണ്ണിന്റെ ധൈര്യമാണ് താലി. ഇനി ഈ കാലഘട്ടത്തിൽ ഇതൊക്കെ പഴഞ്ചൻ ആണെന്ന് പറയുന്നവരോട് ഒന്നേ പറയാനുള്ളൂ.,,, ഇതൊന്നും ഇല്ലെങ്കിലും മനസ്സ് എങ്കിലും അവന് കൊടുക്കണം.,,,,, നല്ല നമസ്ക്കാരം

ശിവഭഗവാന്റെ പൂജ്യസ്ഥലം സംരക്ഷിച്ചു പോരുന്ന മുസ്ലിം കുടുംബത്തെ കുറിച്ചറിയാമോ

കാലാകാലങ്ങളായി ശിവഭഗവാന്റെ പൂജ്യസ്ഥലം സംരക്ഷിച്ചു പോരുന്ന മുസ്ലിം കുടുംബത്തെ കുറിച്ചറിയാമോ




മതവെറിയും സ്പർധയുമൊക്കെ വർധിച്ചു വരുന്ന ഇക്കാലത്ത് വ്യത്യസ്തമായ ഒരു പൂജ്യസ്ഥാനമാണ് അസമിലെ ഗുവാഹത്തിയിലെ ബുർഹാ ഗുസൈർ  സ്ഥാൻ എന്ന ആരാധനാസ്ഥലം. അവിടെ ശിവ ഭഗവാന്റെ പേരിലുള്ള നൂറ്റാണ്ടുകൾ പഴക്കമുള്ള ഈ സ്ഥലം കാലാകാലങ്ങളായി നോക്കിപ്പോരുന്നത് ഒരു മുസ്ലിം കുടുംബത്തിൽപ്പെട്ട ആളുകളാണ്. സാക്ഷാൽ ശിവഭഗവാന്റെ അരുൾ പ്രകാരമാണ് തങ്ങൾ ഈ ആചാരം അനുഷ്ടിച്ചു പോരുന്നതെന്നാണ് ഇവരുടെ വാദം. ഈ തലമുറയിലെ ഏറ്റവും മുതിർന്ന ആളായ മോതിബുർറഹ്മാൻ ആണ് ഇപ്പോൾ ഇതിന്റെ ചുമതല നിർവഹിച്ചു പോരുന്നത്. എന്നും രാവിലെ വന്നു പരിസരമൊക്കെ വൃത്തിയാക്കിയ ശേഷം ചന്ദനത്തിരിയും മറ്റും കത്തിച്ചു വെച്ചു ആളുകൾക്ക് പ്രാർത്ഥനയ്ക്കായി സൗകര്യമൊരുക്കുന്നു.



ഇങ്ങനെ ഒരു മുസ്ലിം കുടുംബം സംരക്ഷിച്ചു പോരുന്നത് കൊണ്ട് തന്നെ ഹിന്ദു മതത്തിൽ പെട്ടവരല്ലാതെ മറ്റു മതത്തിലുള്ളവരും ഇവിടെ പ്രാർത്ഥിക്കാൻ വരുന്നു. വർഷങ്ങളായി ഇങ്ങനെ തുടർന്നു പോരുന്ന ഈ ആചാരത്തിൽ ഇതുവരെ ആരും തന്നെ പ്രശ്നങ്ങളൊന്നും ഉണ്ടാക്കി മുന്നോട്ടു വന്നിട്ടില്ല എന്നാണ് നാട്ടുകാർ പറയുന്നത്. ആസാമിലെ ജനസംഖ്യയിൽ അറുപതു ശതമാനം ഹിന്ദുക്കളും നാൽപതു ശതമാനം മുസ്ലിങ്ങളുമാണ്. ഇതുവരെ കാര്യമായി പ്രശ്നങ്ങളൊന്നും ഇല്ലാതെ മുന്നോട്ട് പോയിരുന്ന ഇത്തരം കാര്യങ്ങളിൽ ഇപ്പോൾ പ്രശ്നമായി മുന്നോട്ടു വരുന്നത് അസമിൽ ഇപ്പോൾ തുടരുന്ന ദേശീയ പൗരത്വ രജിസ്റ്ററുമായി ബന്ധപ്പെട്ട പ്രശ്നങ്ങളാണ്. ഇത് വഴി കാലാകാലങ്ങളായി ഇവിടെ പ്രാർത്ഥിക്കാൻ വന്നിരുന്ന പലരുടെയും പേര് പട്ടികയിൽ ഇല്ല എന്നത് മാത്രമാണ് ഇത്രയും കാലത്തിനിടയിൽ കണ്ട ഒരേയൊരു പ്രശ്നം എന്നാണ് നാട്ടുകാരുടെ ഭാഷ്യം. എന്തായാലും മതത്തിന്റെ പേരിലുള്ള അക്രമങ്ങൾ വർധിച്ചു കൊണ്ടിരിക്കുന്ന ഇന്നത്തെ കാലത്ത് നൂറ്റാണ്ടുകൾ പഴക്കമുള്ള ഇത്തരം മതസൗഹാർദ കഥകൾ മാതൃക തന്നെയാണ്

കേരളിയ വാദ്യോപകരണമായ ഉടുക്കിനെ പറ്റി പറയാമോ?

കേരളിയ വാദ്യോപകരണമായ ഉടുക്കിനെ പറ്റി പറയാമോ?

കേരളീയ വാദ്യോപകരണം. നൃത്തത്തിന്റേതെന്നപോലെ വാദ്യത്തിന്റെയും ആദ്യഗുരു, നടരാജനായ ശിവൻ തന്നെയാണ് എന്നു പുരാണങ്ങൾ പറയുന്നു. പരമേശ്വരന്റെ പ്രദോഷനൃത്തസമത്ത് ഉടുക്കിൽ മുഴക്കിയ നാടകങ്ങളാണ് സംസ്കൃതഭാഷയുടെ വ്യാകരണത്തിൽ ജീവനാഡിയായ ആക്ഷരപ്രപഞ്ചത്തിന്റെ മൂലധ്യനികളായി ഉദയം ചെയ്തതെന്നു പറയാറുണ്ട് . അങ്ങനെ ഉടുക്കിന്  അലൗകികമായ ഒരു പരിവേഷമുണ്ട്. അയ്യപ്പൻപാട്ടിന്റെ പക്കമേളയാണ് ഉടുക്ക് കേരളത്തിൽ പ്രയോഗിക്കുന്നത്. തമിഴ് മാരിയമ്മൻവിളക്കിനും ഇതുപയോഗിക്കുന്നു.  അയ്യപ്പൻപാട്ട് ഒരുതരം  സംഘഗാനമാണ്. ശ്രുതിയായും മേളമായും ഉടുക്കു പ്രയോജനപ്പെടുത്തുന്നു. ഇടയ്ക്കയുടെ ശബ്ദത്തേക്കാൾ അല്പംകൂടി സ്നിഗ്ധമധുരമാണ് ധ്വനി. സംഘഗാനത്തിൽ എല്ലാ ഗായകരും ഉടുക്കെടുത്തു കൊട്ടുന്നു. അങ്ങനെ അതൊരു വൃന്ദവാദ്യമാണ്. കുഴി താളമാണ് താളത്തിന്.

ഇടത്തേ കൈകൊണ്ട് ഒരുവശം മാറിന്നഭിമുഖമായി താങ്ങിപ്പിടിക്കുന്നു. കൊടുക്കുചരട് ഇടാതെ കൈവിരലുകൊണ്ടു പുറവ അമർത്തുകയും മുൻവട്ടത്തിൽ ഒപ്പം കൊട്ടുകയും ചെയ്യുമ്പോൾ പിൻവട്ടത്തിനു പുറത്തുള്ള ഇരട്ടക്കമ്പിനാരിൽ കമ്പനം സംഭവിക്കുകയും അങ്ങനെ ഋഷഭസ്വരം സ്ഫുരിതമാകുകയും ചെയ്യുന്നു. ഗാനത്തിനൊത്തു ദ്രുത കാലത്തിലും പതികാലത്തിലും വിവിധ താളത്തിൽ വൃന്ദവാദ്യമായി പ്രയോഗിക്കുന്നു.

ക്രിസ്ത്യൻ മതത്തിൽ എത്ര വകഭേദങ്ങൾ ഉണ്ട്? ഏതൊക്കെയാണവ.

ക്രിസ്ത്യൻ മതത്തിൽ എത്ര വകഭേദങ്ങൾ ഉണ്ട്? ഏതൊക്കെയാണവ.

        തോമാശ്ലീഹ ആണ് കേരളത്തിൽ ക്രിസ്തുമതം കൊണ്ട് വന്നത് എന്ന കാര്യം കഥയാണെങ്കിലും അല്ലെങ്കിലും  ഒരു കാര്യം ഉറപ്പാണ് , കേരളത്തിൽ ക്രിസ്തു വർഷം ആദ്യ നൂറ്റാണ്ടിൽ  തന്നെ ക്രിസ്ത്യാനികൾ ഉണ്ടായിരുന്നു. ഇൗ ആദിമ ക്രിസ്ത്യാനികൾക്ക്‌ മറ്റൊരു ക്രൈസ്തവ സമൂഹവുമായും ബന്ധം ഉണ്ടായിരുന്നില്ല.

       പിൽക്കാലങ്ങളിലും നിരവധി ക്രിസ്തീയ വേദപ്രചാരകർ കേരളത്തിലെത്തി മതപ്രചരണം നടത്തുകയും അനേകർ ക്രിസ്തുമതം സ്വീകരിക്കുകയും ചെയ്തു. വിദേശത്തുനിന്ന് ക്രിസ്തുമതവിശ്വാസികൾ ഇവിടേയ്ക്ക് കുടിയേറിയതിന് ചരിത്രരേഖകൾ ഉണ്ട്. കേരളത്തിലെ ആദ്യകാല ക്രിസ്ത്യാനികളായ ഇവരെ നസ്രാണികൾ അഥവാ സുറിയാനി ക്രിസ്ത്യാനികൾ അഥവാ മാർത്തോമാ ക്രിസ്ത്യാനികൾ എന്ന് പൊതുവെ അറിയപ്പെട്ടിരുന്നു. കേരളത്തിലെ ഈ ആദ്യകാല ക്രൈസ്തവ സമൂഹം പൗരസ്ത്യ സുറിയാനിഭാഷയും പാരമ്പര്യങ്ങളുമുള്ളവരായിരുന്നു. 

       വാസ്കോ ഡ ഗാമ 1498-ൽ കേരളത്തിലെത്തുന്നതു വരെ ഇവർ പൊതുവേ ഏകയോഗക്ഷേമരായി കഴിയുകയായിരുന്നു. പോർട്ടുഗീസുകാർ ലത്തീൻ ആരാധനാക്രമങ്ങളും ഭാഷയും അടിച്ചേൽ‍പ്പിക്കാൻ ശ്രമിച്ചപ്പോൾ എതിർത്ത സുറിയാനി ക്രിസ്ത്യാനികൾ തന്നെ പിന്നീട് രണ്ടു ചേരിയായി തിരിഞ്ഞു. 1503-ലാണ്‌ ഇന്ത്യയിലെ ആദ്യത്തെ ലത്തീൻ കത്തോലിക്ക പള്ളി പണിതത്.

          നവീകരണത്തെ തുടർന്ന് കത്തോലിക്കാ സഭയിൽ നിന്ന് വേർപെട്ട് യൂറോപ്പിൽ രൂപം കൊണ്ട പ്രൊട്ടസ്റ്റൻറ് പ്രസ്ഥാനങ്ങളിലെ മിഷണറിമാർ ക്രമേണ കേരളത്തിലുമെത്തി പ്രൊട്ടസ്റ്റൻറ് വിശ്വാസം പ്രചരിപ്പിച്ചു. കേരളത്തിന്റെ സാംസ്കാരികവും സാമൂഹികവുമായ വളർച്ചയ്ക്ക് മിഷണറിമാർ നൽകിയ സംഭാവനകൾ നിരവധിയാണ്. അവർ സ്ഥാപിച്ച അനേക വിദ്യാലയങ്ങളും ആതുരാലയങ്ങളും ഇന്നും കേരളത്തിൽ നില നിൽക്കുന്നുണ്ട്. കേരളത്തിൽ അന്ന് നില നിന്നിരുന്ന ജാതിവ്യവസ്ഥയുടെയും തൊട്ടുകൂടായ്മയുടെയും ദുരിതം അനുഭവിച്ചിരുന്ന അനേകർ ക്രിസ്തുമതം സ്വീകരിച്ചു. 
     ഇവയാണ് കേരള ക്രൈസ്തവരുടെ മൂന്ന് അടിസ്ഥാന ആശയ , ആചാരപരമായ ധാരകൾ...

• വത്തിക്കാന്റെ അധീനതയിൽ ഉള്ള സഭകൾ : സീറോ മലബാർ( ആർ സി)  , സീറോ മലങ്കര (റീത്ത്) , ലത്തീൻ സഭ
• പൗരസ്ത്യ സഭകൾ : ഓർത്തഡോക്സ് , യാക്കോബായ
• പ്രൊട്ടസ്റ്റന്റ് സഭകൾ : സി എസ് ഐ മുതൽ അസംഖ്യം വരുന്നവ ( പെന്തകോസ്റ്റ് സഭകൾ ഇതിൽ വരും)

     കൂടുതൽ വിശാലമായി പറഞ്ഞാൽ കേരളത്തിലെ ക്രിസ്തുമതം 6 വലിയ വിഭാഗങ്ങളിൽ ആയാണ് ഉള്ളത്.

1.കത്തോലിക്കാ സഭകൾ : 3 എണ്ണം
2.ഓർത്തഡോക്സ് സഭകൾ‍ : 2 എണ്ണം
3.ദക്ഷിണേന്ത്യ ദൈവസഭ

4.ഇതര സുറിയാനി സഭകൾ :

• മലങ്കര മാർത്തോമ്മാ സുറിയാനി സഭ
• കൽദായ സുറിയാനി സഭ
• മലബാർ സ്വതന്ത്ര സുറിയാനി സഭ (തൊഴിയൂർ സഭ).

5.പ്രൊട്ടസ്റ്റൻറ് സഭകൾ :

• ചർച്ച് ഓഫ് സൗത്ത് ഇന്ത്യ (സി.എസ്.ഐ)
• ആംഗ്ലിക്കൻ സഭ
• ശാബത് സഭ (സെവൻ‍ത് ഡേ അഡ്വന്റിസ്റ്റുകൾ)
• രക്ഷാ സൈന്യം (സാൽ‌വേഷൻ ആർമി)
• ബിലീവേഴ്സ് ചർച്ച്

6.അൾട്രാപ്രൊട്ടസ്റ്റന്റ് സ്വയശീർഷക സഭകൾ :
7.പെന്തക്കോസ്തു സഭകൾ ബ്രദറൺ സഭ (വേർപാടുകാർ)

മുഖ്യധാര ക്രൈസ്തവസഭകളിൽ പെടാത്ത ക്രിസ്തീയ വിഭാഗങ്ങളും കേരളത്തിലുണ്ട്.

• യഹോവയുടെ സാക്ഷികൾ